بە فەرمانی سەرۆکوەزیران بارزانی کێشەی گەڕەکێکی هەولێر چارەسەر دەکرێت

ئاڤا نیوز

 

بە بڕیاری سەرۆکوەزیران بارزانی کێشەی دانیشتووانی گەڕەکی ژیان چارەسەرکرا؛ رزگار کۆچەر لە بەدواداچوونێکدا کێشەکەیانی بە بەرپرسان گەیاند

 

چیرۆکی سەرەکی: دوێنێ یەکشەممە، دانیشتووانی گەڕەکی ژیان لە هەولێر، لەڕێگەی بەرنامەکەی ڕزگار کۆچەر لە ئاڤا نیوز، داوایان لە سەرۆکوەزیران بارزانی کرد گرێبەستێکی شارەوانی لەگەڵ وەبەرهێنەرێک لەبارەی پارچە زەوییەکی گەڕەکەکەیان هەڵبوەشێنێتەوە.

 

لێدوانی فەرمی: ئومێد خۆشناو، پارێزگاری هەولێر بە ئاڤا نیوزی گوت: "گرێبەستەکە هەڵوەشاوەتەوە و زەوییەکەش وەک خۆی بە سەوزایی دەمێنێتەوە". 

 

زانیاریی زیاتر: بە گوتەی دانیشتووانی گەڕەکەکە، لە کابینەکانی ڕابردوودا، زەوییەکە دابەشکراوە و بە هەڵوەشاندنەوەشی زەوییەکە وەک خۆی دەمێنێتەوە.