بەشێکی ڕێگەی شەقڵاوە – هیران دادەڕمێت

ئاڤا نیوز

 

بەشێکی ڕێگەی قەزای شەقڵاوە بۆ هیران دادەڕمێت و قایمقامی شەقڵاوەش ڕایدەگەیێنێ، تا چاککردنەوەی ئەو بەشە، ڕێڕەوەی ڕێگەکەیان بەشێوەیەکی کاتی گۆڕیوە.

 

چیرۆکی سەرەکی: لەکاتی جێبەجێکردنی پرۆژەیەک بۆ نۆژەنکردنەوەی بەشێکی ڕێگەی شەقڵاوە – هیران کە مەترسی داڕمانی لێدەکرا، ئەو بەشەی ڕێگاکە داڕما و ئاستەنگی بۆ هاتووچۆی هاونیشتمانیان دروست کرد.

 

لێدوانی فەرمی: کاروان کەریم خان، قایمقامی قەزای شەقڵاوە بە ئاڤای گوت، نۆژەنکردنەوەی ڕێگەکە دەستی پێکردووە، کە پێکهاتووە لە چاککردنەوەی ئەو شوێنەی داڕماوە لەگەل دروست کردنی دیواری پاڵپشت.

 

گوتیشی، ئەو ڕێگەیەمان داخستووە، تا ئەو کاتەی چاكکردنەوەکەی تەواو دەکرێت، لە بەرامبەردا ڕێڕەوی جێگرەوە بۆ ڕێگەی شەقڵاوە – هیران دیاری کراوە و تیمەکانی هاتووچۆ ئاسانکاری بۆ هاتووچۆی هانیشتمانیان دەکەن.