کۆمیتەی ناوەندیی پارتی سێ کاتژمێر لەبارەی مووچە کۆبووەوە

ئاڤا نیوز

کۆمیتەی ناوەندیی پارتی بەسەرپەرشتیی سەرۆک بارزانی کۆبووەوە، گفتوگۆ لەسەر پرسی ڕاگرتنی شایستە داراییەکانی هەرێمی کوردستان لەلایەن بەغدا و دوایین بڕیاری تەیف سامی بەرامبەر بە مووچەخۆران کرا.

زانیاریی بەدەستهاتوو: دوای نزیکەی سێ کاتژمێر، کۆبوونەوەی کۆمیتەی ناوەندی پارتی دیموکراتی کوردستان بە سەرپەرشتی سەرۆک بارزانی کۆتایی هات.

لێدوانی فەرمی: ئەندامێکی کۆمیتەی ناوەندی پارتی بە هیشام سەعید، پەیامنێری ئاڤای وتوە "پارتی هەمان بۆچوونی هەفتەی ڕابردووی هەیە، ئەگەر لەو چەند ڕۆژەی بەر لە جەژن بڕیاری ناردنی مووچە نەدرێت لەلایەن بەغداوە، ئەوا هەڵوێستی تووندی دەبێت، ئەگەر لەو چەند ڕۆژە بڕیار لەسەر ناردنی پارە نەدرێت، ئەوا دەبێت لەدوای جەژن بەغدا پابەند بێت بە ناردنی پارەی تەواوی مانگەکانی داهاتوو تا کۆتایی ساڵ.