ئەنجوومەنی وەزیران لەبارەی مووچەی مانگی پێنج و فەرمانبەرانی گرێبەست کۆدەبێتەوە

ئاڤا نیوز

 

ئەنجوومەنی وەزیرانی هەرێمی کوردستان سبەی کۆدەبێتەوە و پرسی مووچە و دوو تەوەری دیکە تاوتوێ دەکات.

 

زانیاریی بەدەستهاتوو: بەپێی زانیارییەکانی ئاڤا میدیا، ئەنجوومەنی وەزیرانی هەرێمی کوردستان ئەم هەفتەیە ڕۆژێک کۆبوونەوەی هەفتانەی پێش خستووە، لەجیاتی چوارشەممە کە هەفتانە لەو ڕۆژەدا کۆدەبێتەوە، سبەی سێشەممە 3-6-2025 کۆبوونەوەکە بەسەرشتی مەسرور بارزانی دەکرێت.

زانیاریی زیاتر: لە کۆبوونەوەی سبەی ئەنجوومەنی وەزیران گفتوگۆ لەسەر سێ تەوەر دەکرێت:

یەکەم: بەدواداچوون و تاوتوێکردنی پرسی مووچەی مووچەخۆرانی هەرێمی کوردستان.

دووەم: گفتوگۆکردن لەبارەی دابینکردنی پارەی فەرمانبەرانی گرێبەست لەسەر داهاتی ناوخۆ کە ژمارەیان زیاتر لە سێ هەزار کەسە و 10 مانگە مووچەیان وەرنەگرتووە.

سێیەم: گفتوگۆکردن لەبارەی پرسی لێخۆشبوونی پێشینەی هاوسەرگیریی کوڕ و کچی شەهیدان.

لەلایەکی دیکەوە: سبەی سێشەممە ئەنجوومەنی وەزیرانی عێراق کۆبوونەوەی هەفتانەی دەکات، بەڵام ڕوون نییە باسی مووچەی خەڵکی کوردستان دەکرێت یان نا.