پارێزگاری کەرکووک: بودجەمان سفرە

ئاڤا نیوز

 

ڕێبوار تەها، پارێزگاری کەرکووک، گلەیی لە حکومەتی عێراق هەیە و دەڵێت: بودجەی پارێزگاکەمان سفرە.

لێدوانی فەرمی: ڕێبوار تەها، پارێزگاری کەرکووک لە کۆنفڕانسێکی ڕۆژنامەوانییدا ڕایگەیاند: حەرز دەکەم هەموو خەڵکی عێراق بیزانێت کە لەسەردەمی پارێزگارەکانی دیکە هەزار ملیار بودجەی ساڵانەیان بوو، بەڵام لەسەردەمی ئێمە بودجە سفرە، ئەم قسەیەم لێرەوە تاوەکوو بەغدایە، بەڵام لەگەڵ ئەوەشدا تیمێکی باشین و خزمەت دەکەین.

 

- هەندێ پارەی کەمی پترۆدۆلار هەبوو کە 2%ی بودجەی ئیدارەکانی پێشووتری کەرکووکە، هاتووین بە بیرکردنەوەی باش، پڕۆژە ستراتیژی بۆ شارەکەمان دەکەین.

 

باکگراوند: ڕێبوار تەها، لە پشکی یەکێتیی نیشتمانیی کوردستان، ڕۆژی 14-8-2024، لەبەردەم سەرۆکی دادگای تێهەڵچوونەوەی کەرکووک، سوێندی یاسایی خوارد و لە پۆستی پارێزگاری کەرکووک دەستبەکار بوو.