دامەزراندنی کارمەندانی سەر سندووقەکانی دەنگدان دەستپێدەکات

ئاڤا نیوز

 

بڕیارە ئەمڕۆ لینکی فۆرمی دامەزراندنی کارمەندانی سەر سندووقی دەنگدان کارا کرا، ئارەزوومەندان دەتوانن لە ئەمڕۆ تا 9/7/2025 داواکاری پێشکەش بکەن.

 

وێنە گەورەکە: لە چوارچێوەی ئامادەکارییەکانی کۆمیسیۆنی باڵای سەربەخۆی هەڵبژاردنەکان بۆ هەڵبژاردنی پەرلەمانی عێراق، کارمەندانی سەر سندووقی دەنگدان بەشێوەی گرێبەستی کاتی بۆ ڕۆژانی هەڵبژاردن، دەنگدانی تایبەت و دەنگدانی گشتی دادەمەزرێنێن، لەدایکبووانی ساڵی 2006 تا 1970 دەتوانن داواکاری دامەزراندن پێشکەش.

 

لێدوانی فەرمی: نەبەرد عومەر، بەرپرسی دەستەی هەڵبژاردنەکانی هەرێمی کوردستان لە کۆمیسیۆنی باڵای هەڵبژاردنەکانی عێراق بە ئاڤای گوت، ئەمڕۆ لینکەکە کارا بوو، هەر کەسێک ئارەزوو بکات، دەتوانێت فۆرمە ئەلیکترۆنیەکە پڕبکاتەوە، دواتر ڕایبکێشن و لە نزیکترین بنکەی نوێکردنەوەی تۆماری دەنگدەران پیشکەشی بکەن.

 

زانیاریی زیاتر: ئەو کەسانەی دەتوانن داواکاری پێشکەش بکەن:

 
-  کارمەندانی سەر سندووق لە هەڵبژاردنەکانی 2021، 2023، 2024.
-  فەرمانبەرانی حکوومی لە بڕوانامەی ئامادەیی و بەرزتر.
-  دەرچووانی زانکۆ و پەیمانگاکان.

لەلایەکی دیکە: لە هەرێمی کوردستان نزیکەی 42 هەزار کارمەندی سەر سندووق دادەمەزرێندرێن، ناوەکانیش بەشێوەی تیروپشک هەڵدەبژێردرێن.

 

ئەوەی پێویستە بیزانیت: لەڕێگەی ئەم لینکەوە دەتوانن خۆتان وەک کارمەندی سەر سندووقەکانی دەنگدان تۆمار بکەن.