قەرەنی جەمیل کۆچی دوایی کرد

ئاڤا نیوز

 

قەرەنی جەمیل، یەکێک لە دیارترین هونەرمەند و شێوەکارەکانی کورد بەهۆی نەخۆشییەوە لە تەمەنی 71 ساڵی کۆچی دوایی کرد.

 

چیرۆکی سەرەکی: بەرەبەیانیی ئەمڕۆ سێشەممە 3-6-2025، قەرەنی جەمیل، هونەرمەند و شێوەکاری بەناوبانگ و دیاری کورد، بەهۆی نەخۆشیی شێرپەنجەی سییەکانەوە لە نەخۆشخانەیەکی هەولێر کۆچی دوایی کرد.

 

لێدوانی فەرمی: حەمە هاشم، هونەرمەند و شێوەکار بە ئاڤای ڕاگەیاند: کارەکانی هونەرمەند قەرەنی جەمیل لە چوارچێوەی هونەری باڵادان، هەروەها لە هونەری مۆدێرن و جیهانیدا جێ پەنجەی دیارە، چونکە ماوەیەکی زۆر لە ئەوروپا ژیاوە و ئەزموونەکانی خۆی لەنێو هونەرمەندە جیهانییەکان پێگەیاندووە.

 

ئەوەی پێویستە بیزانیت: بەرهەمەکانی قەرەنی جەمیل لە چوارچێوەی داکۆکیکردن لە مافەکانی مرۆڤ و خانەی دەربڕینخوازیدان، کارەکانی پەیوەندیی بە هونەری مۆدێرنی جیهانییەوە هەیە، خاوەنی سەدان تابلۆی ئەکادیمی و سەرنجڕاکێشە، چەندین پێشانگەی تایبەت بە تابلۆی هەبووە.

 

گۆشەیەکی دیکەی دیمەنەکە: دوایین تابلۆکانی قەرەنی جەمیل لەسەر بێبایەخبوونی شارستانیەکان بووە لە میزۆپۆتامیا، باس لەو سەردەمە دەکات کە شارستانییەتەکان پشتگوێ خراون.

 

ئەمەش بزانە: قەرەنی جەمیل، برای مامۆستا بەهرام جەمیل-ـە کە لە ڕاپەڕینی شاری هەولێر لە بەردەم "دائیرەی ئەمنی شیمال" شەهید بوو.