ئێران: مێزی دانوستان چۆڵ ناکەین

ئاڤا نیوز

 

وەزارەتی دەرەوەی ئێران لە بارەی بەڕێوەچوونی دانوستانە ئەتۆمییەکانی لەگەڵ ئەمریکا ڕایگەیاند، هەرگیز مێزی دانوستانەکان چۆڵ ناکەین و بەردەوام دەبین.

 

وێنە گەورەکە: ئێران و ئەمریکا بەردەوامن لە هەوڵەکانیان بۆ گەیشتن بە ڕێککەوتنێکی نوێی ئەتۆمی، بەڵام لە پێنج گەڕی دانوستانی ناڕاستەوخۆدا، هیچ کامیان سازشیان لە مەرجەکانیان نەکردووە و بەپێی سەرچاوەکان ئەمە وایکردووە هەردوولا ناکۆکیان هەبێت و  دۆخەکە ئاڵۆزتر بووە.

 

ڕاگەیێنراوی فەرمی: وەزارەتی دەرەوەی ئێران ڕایگەیاند: ''ئێران هەموو سیناریۆیەکی لە ئەگەری شکستهێنانی دانوستانەکان ئامادەیە، بەڵام هەرگیز مێزی دانوستانەکان بەجێناهێڵین''.

 

لەلایەکی دیکەوە: ئیسماعیل بەقائی، وتەبێژی وەزارەتی دەرەوەی ئێران ڕایگەیاند: مەرجی ئەمریکا '' یان ڕێککەوتن یان جەنگ'' قبووڵ ناکەین. 

 

زانیاریی زیاتر: کەناڵی سی ئێن ئێن لە زاری سەرچاوەیەکی ئەمریکیی بڵاویکردەوە، ئێران پێیوایە ئەو پێشنیازەی بۆ ڕێککەوتنی ئەتۆمی لەلایەن ئەمریکاوە خراوەتەڕوو، هەڵوەشاو و ناجێگیرە هاوکات دەڵێن ئەو گڕوتینەی لە دانوستاندنەکاندا هەبوو لە ڕووخاندایە.