ئاڤا بەدواداچوون بۆ فڕێدانی چەند مانگایەکی نەخۆش لە سنووری کۆیە دەکات

ئاڤا نیوز

 

نزیکەی 10 مانگای مرداربوو لە سنووری قەزای کۆیە فڕێ دەدرێن، بڵاوبوونەوەی وێنە و ڤیدیۆکانی ترس لای هاونیشتمانیان دروست دەکات.

 

چیرۆکی سەرەکی: لە سنووری گوندەکان شیلە و شەوگێڕ لە کۆیە، لەلایەن چەند کەسێکەوە مانگای مرداربوو فڕێ دەدرێن، دواتر وێنە و ڤیدیۆکانی لە سۆشیال میدیا بڵاوکراوەتەوە و هاووڵاتیان گومانی تای خوێنبەربوونیان لێ کردووە.

 

لێدوانی فەرمی: د. ئەزمەڕ سەڵاح، بەڕێوەبەری بەڕێوەبەرایەتیی ڤێتێرنەری کۆیە بە ئاڤای راگەیاند: بەدواداچوونمان بۆ بابەتەکە کردووە و ئەو مانگایانەی مرداربوونەتەوە هەڵگری تای خوێنبەربوون نەبوون، بەڵکو بە هۆکاری دیکە مرداربوون و خاوەکانیان لەو شوێنانە فڕێ داون.

 

زانیاریی زیاتر: بە گوتەی د. ئەزمەڕ سەڵاح، ئەو کەسانەی ئەو کارەیان کردووە، حەساری بەخێوکردنی ئاژەڵ و مانگایان هەیە، ئاگادار کراونەتەوە کە نابێت چیتر ئاژەڵ لەسەر زەوی فڕێ بدەن، بەڵکو پێویستە بخرێنە ژێر خۆڵەوە و هەر کەسێک سەرپیچی بکات سزا دەدرێت.