کرێملین مەرجی کۆبوونەوەی لووتکە ئاشکرا دەکات

ئاڤا نیوز

 

کۆشكی کرێملین لەبارەی کۆبوونەوەی لووتکەی نێوان ترەمپ و پووتین و زێلێنسکی مەرج دادەنێت و دەڵێت، بۆ بەڕێوەچوونی کۆبوونەوەیەکی لەم جۆرە پێویستە یەکەمجار ڕووسیا و ئۆکراینا بگەنە ڕێککەوتن.

 

چی ڕوودەدات: دوای ئەوەی سەرۆکی ئۆکراینا داوای کرد لەگەڵ سەرۆکی ڕووسیا و بە ئامادەبوونی سەرۆکی ئەمریکا کۆبوونەوەیەک بۆ کۆتاییهێنان بە شەڕی نێوانیان ئەنجام بدەن، ئەم کۆبوونەوە سێ قۆڵییە بووەتە پرسی میدیا جیهانییەکان و چاوەکانیش لەسەر کۆبوونەوەکەن و بۆ ئەوەی بزانرێت دەرئەنجامی چی دەبێت.

 

لێدوانی فەرمی: دیمیتری پێسکۆڤ، وتەبێژی کرێملین لەبارەی ئەنجامدانی کۆبوونەوەی سێ قۆڵی ڕایگەیاند، لەم کاتەدا دیدارێكی لەو جۆرە لە پلاندا نییە، کۆبوونەوەیەکی لەمجۆرە تەنیا دوای ڕێککەوتنی نێوان ڕووسیا و ئۆکراینا ئەنجام دەدرێت

 

زانیاریی بەدەستهاتوو: ئەمەش لە کاتێکدایە، دۆناڵد ترەمپ، سەرۆکی ئەمریکا ئامادەیی بۆ بەشدارییکردن لە کۆبوونەوەکە دەربڕی، هاوکات سەرۆککۆماری تورکیا ئامادەیی وڵاتەکەی بۆ میواندارییکردنی کۆبوونەوەی لووتکەی نێوان سەرۆکەکانی ئەمریکا و ڕووسیا و ئۆکراینا خستەڕوو