دوو پڕۆژەی دیکە لە هەڵەبجە جێبەجێ دەکرێن

ئاڤانیوز

دوو پڕۆژەی دیکە لە پارێزگای هەڵەبجە جێبەجێ دەکرێن، بۆ ئەم مەبەستە بانگهێشتی کۆمپانیاکان دەکرێت بۆ بەشداری کردن لە کەمکردنەوەی نهێنی وەرگرتنی تەندەر.

وێنە گەورەكە: کابینەی نۆیەمی حکومەتی هەرێمی کوردستان گرنگی تایبەتی بە پارێزگای هەڵەبجە داوە، دوای سەردانی سەرۆكوەزیران مەسرور بارزانیش بۆ ئەو پارێزگایە، بڕیاردرا ڕێژەی 20%ـی داهاتی دەروازە سنوورییەكانی پارێزگای هەڵەبجە بۆ پرۆژە خزمەتگوزارییەكانی پارێزگاكە تەرخان بكرێت، دەسەڵاتی جێبەجێکردنیش بە پارێزگار و بەرپرسانی ئیداریی شارەكە درا.

ڕاگەیێنراوی فەرمی: پارێزگای هەڵەبجە لە ڕاگەیێنراوێکدا بانگهێشتی سەرجەم کۆمپانیاکان دەکات، ئەوانەی مەرجەکانی وەرگرتنی تەندەریان تێدایە و ئارەزووی جێبەجێکردنی دوو پرۆژەکە دەکەن، دەتوانن بەشداری لە کەمکردنەوەی نهێنی بکەن.

ئەوەی پێویستە بیزانیت: پڕۆژەکان بریتین لە: 

یەکەم: پڕۆژەی قۆناغی سێیەمی ڕێگەسازی ناوچەی پیشەسازی.

دووەم: پڕۆژەی ڕێگەسازی گەڕەکی بەرامبەر شارەوانی، ڕێگەسازی شەقامی سەرەکی پردی گەریات، ئاوەڕۆ و دیواری ڕاگر و کۆنکریت و قادرمە لە سۆسەکان، دیواری ڕاگر و کۆنکریت و ئاوەڕۆ بۆ گەڕەکی ملیدەر لە تەوێلە.