ئاسایشی هەولێر کەسێک بە چەند ئامێرێکی گزیکردن دەستگیر دەکات

ئاڤا نیوز

بەڕێوەبەرایەتیی گشتیی ئاسایشی هەولێر بە هەماهەنگی لەگەڵ وەزارەتی پەروەردە کەسێکی دەستگیر کردووە کە کاریان کڕین و فرۆشتنی بلوتوز بووە.

ڕاگەیێنراوی فەرمی: ڕۆژی 3-6-2025، بەڕێوەبەرایەتیی ئاسایشی هەولێر ڕایگەیاند: بەهەماهەنگی لەگەڵ وەزارەتی پەروەردە تۆمەتبارێکمان بە ناوی (م، ک، خ) دەستگیر کرد کە کاری فرۆشتنی ئامێری بلوتۆزی  تایبەت بە گزی، یان غەشکردنی لە کاتی تاقیکردنەوەکاند کردووە.

زانیاریی زیاتر:  تۆمەتبارەکە چەند ئامێرێکی لە شاری بەغدا بۆ ناو شاری هەولێر هێناوە بۆ ئەوەی ساغیان بکاتەوە، بەڵام پێش ئەوەی ئامێرەکان بفرۆشێت دەستیان بەسەردا گیراوە.

ئەوەی پێویستە بیزانیت: ساڵانە لەکاتی دەستپێکردنی تاقیکردنەوەکانی پۆلی 12ی ئامادەیی، لە تۆڕەکۆمەڵایەتییەکاندا ژمارەیەک پەیج و ئەکاونت بانگەشەی فرۆشتی ئەو ئامێرانە دەکەن کە قەدەغەن.

لەلایەکی دیکەوە: ئاسایشی هەولێر جەخت لەوە دەکاتەوە، هەر کەسێک کاری کڕین و فرۆشتن بەو ئامێرانەوە بکات، ڕێکاری یاسایی بەرامبەر دەگیرێتەبەر و دەدرێت بە دادگا.