حیزبی زەحمەتکێشان کۆنگرە دەبەستێت

ئاڤا نیوز

 

بڕیارە لە سەرەتایی مانگی داهاتوو حیزبی زەحمەتکێشانی کوردستان دوازدەمین کۆنگرەی خۆی لە شاری هەولێر ببەستێت.

 

وێنە گەورەکە: حیزبی زەحمەتکێشانی کوردستان هەر سێ ساڵ جارێک کۆنگرە دەبەستێت، بۆ کۆنگرەی دوازدەمینیش دەستیان بە ئامادەکارییەکان کردووە و ئێستا هەڵبژاردن لە نێو ئۆرگان و مەکتەبەکانی حیزب دەستی پێکردووە.

 

لێدوانی فەرمی: هیوا سەیدا سەلیم، ئەندامی مەکتەبی سیاسیی حیزبی زەحمەتکێشان بە ئاڤای گوت: چەند لیژنەیەک پێکهێنراوە بۆ ئامادەکردنی ڕاپۆرت دەبارەی پیداچوونەوە بە پەیڕەوی ناوخۆ، پرۆگرامی حیزب، ڕاپۆرتی سیاسی، ئەم ڕاپۆرتانە دەبردرێنە کۆنگرە و هەموو شتێک دەکرێت لە کۆنگرە گۆڕانکاری تێدا بکرێت.

 

ئەوەی پێویستە بیزانیت: ئەندامانی ئەنجوومەنی گشتی، سکرتێر و مەکتەبی سیاسی، ئەندامانی مەکتەب، کارگێڕ و ئەندامانی لقەکان کە ژمارەیان 100 کەسە ڕاستەوخۆ، بەشداری کۆنگرە دەکەن، نزیکەی 50 کەسیش لە نوێنەرانی ڕێکخستنی حیزبەکە بە هەڵبژاردن دەبنە ئەندامی کۆنگرە.

 

باگراوند: حیزبی زەحمەتکێشانی کوردستان 12/12/1985، لە حیزبی سۆسیالیستی کوردستان جیابوەوە، تائێستا یازدە کۆنگرەی بەستووە، دوایین کۆنگرەی لە 3/3/2022 لە شاری هەولێر بەست.