سەرۆکی نوێی کۆریای باشوور هەڵبژێردرا

ئاڤا نیوز

 

دوای ململانێیەکی توندی نێوان لایەنەکانی ئەو وڵاتە، کۆریای باشوور سەرۆکی نوێی هەڵبژارد و بەڵێنی دا پەیوەندییەکانیان لەگەڵ کۆریای باکوور ئاسایی بکاتەوە.

 

وێنە گەورەکە: بە بەشداری ڕێژەیەکی زۆر لە دەنگدەران، هەڵبژاردنی سەرۆکایەتی لە کۆریای باشوور بەڕێوەچوو و لی جای میونگ کاندیدی پارتی دیموکراتی چەپ زۆرترین دەنگی بەدەستهێنا.

 

لێدوانی فەرمی: لی جای میونگ سوپاسی ئەو دەنگدەرانەی کرد بە متمانەیان پێداوە و ڕایگەیاند، "هەموو هەوڵێک دەدەم بۆ جێبەجێکردنی ئەو بەرپرسیارێتی و ئەرکە گەورەیەی کە پێم سپێردراوە، بۆ ئەوەی لە ئاست چاوەڕوانیی گەلەکەماندا بم.

لە بەشێکی دیکەی قسەکانیدا، سەرۆکی نوێی کۆریای باشوور گوتی، "دەمانەوێت پەیوەندییەکانمان لەگەڵ کۆریای باکوور ئاسایی بکەینەوە".

 

بۆچوونی لایەنی بەرامبەر: کیم مون سۆ، کاندیدی کۆنەپەرستی کۆریای باشوور پیرۆزبایی لە ڕکابەرەکەی کرد و ڕایگەیاند، "هەڵبژاردنی خەڵک قبووڵ دەکەم و پیرۆزبایی لە کاندیدی هەڵبژێردراو، لی جای میونگ دەکەم".

 

زانیاریی زیاتر: لی جای میونگ بە بەدەستهێنانی 49.4% دەنگی دەنگدەران بە ڕێژەیەکی گەورە پێش کیم مون سۆ کەوت کە 41.2% دەنگەکانی بەدەستهێنابوو.