سکاڵا لە دژی فراکسیۆنی یەکگرتوو تۆمار دەکرێت

ئاڤا نیوز

 

بڕیارە ئەمڕۆ لە هەولێر ژمارەیەک پارێزەر و چالاکوان سکاڵای یاسایی لەسەر فراکسیۆنی یەکگرتوو لە پەرلەمانی عێراق تۆمار بکەن.

 

چیرۆکی سەرەکی: ڕۆژی چوارشەممە، فراکسیۆنی یەکگرتوو لەگەڵ محەممەد شیاع سوودانی، سەرۆکوەزیرانی عێراق کۆبووەوە، دواتریش لە کۆنگرەیەکی ڕۆژنامەوانیان دەربارەی نەناردنی مووچەی فەرمانبەرانی هەرێمی کوردستان ئەنجامدا و بەشێکی هۆکاری ئەم کێشەیان خستە ئەستۆی هەرێمی کوردستان، لە بەرامبەر ئەم هەڵوێستەیان ئەمڕۆ سکاڵای یاساییان لەسەر تۆمار دەکرێت.

 

لێدوانی فەرمی: پارێزەر کارزان هەنارەیی بە ئاڤا میدیای گوت: "فراکسیۆنی یەکگرتوو لە کۆنگرەکەی دوێنێدا زیاتر وەک نوێنەری سودانی دەرکەوتن و گوتەکانیان دژی هەرێمی کوردستان بوو، بۆیە لە داواکاری گشتی سکاڵای یاسایی لەسەریان تۆمار دەکەین.

 

باگراوند: ڕۆژی چوارشەممە، 28-5-2025، وەزارەتی دارایی عێراق لە ڕێگەی نووسراوێکەوە کە واژۆی تەیف سامی لەسەربوو، بڕیاری ڕاگرتنی ناردنی مووچەی مووچەخۆرانی هەرێمی كوردستان درا، ئەو بڕیارەش كاردانەوەی زۆری بەدوای خۆیدا هێنا.