بەهۆی ساڵیادی مردنی خومەینییەوە دوو ڕۆژ مەرزی سەیران بەن دادەخرێت

ئاڤا نیوز

 

بەهۆی ساڵیادی مردنی ئیمام خومەینییەوە، دوو ڕۆژ مەرزی سەیران بەن لە سنووری پێنجوێن دادەخرێت.

 

لێدوانی فەرمی: حاکم زیاد عەبدوڵا، بەڕێوەبەری ناحیەی گەرمک، بە ئاڤا میدیای ڕاگەیاند، لە دیوی ڕۆژهەڵاتی کوردستانەوە پێیان ڕاگەیاندووین، ئەمڕۆ چوارشەممە و بەیانی پێنجشەممە مەرزەکە دادەخرێت، بەهۆی ئەمەش هاتووچۆی بازرگانی و گەشتیاری لە دوو ڕۆژە دەوەستێت، بەڵام بۆ ڕۆژانی جەژن هاتووچۆ ئاسایی دەبێتەوە.

 

زانیاریی زیاتر: هۆکاری داخستنی مەرزەکەش بەهۆی ساڵیادی مردنی ئیمام خومەینییە و لە ماوەی ئەو دوو ڕۆژەش لە وڵاتی ئێراندا پشووە.

 

ئەوەی پێویستە بیزانیت: ڕۆژانە نزیکەی 300 ئۆتۆمبێل  و 150 گەشتیار لە ڕێگەی ئەو مەرزە نیمچە فەرمییەوە هاتووچۆ دەکەن.

 

باکگراوند: مەرزی سەیران بەن، یەكێكە لە مەرزە نیمچە فەرمییەكانی سنووری قەزای پێنجوێنی سەر بە پارێزگای سلێمانی، دەروازەكە نزیكە 40 كیلۆمەتر لە پێنجوێنەوە دوورە و هەرێمی كوردستان بە شاری بانەی ڕۆژهەڵاتی كوردستان دەبەستێتەوە، ڕۆژانە كەلوپەلی خۆراك و بیناسازی و كارەبایی و خواردەمەنی لێ هاوردە و هەناردە دەكرێ، هاوکات هاتووچۆی گەشتیاریش لەو مەرزە دەکرێت.