لەسەرەتای ھێرشەکانی ڕووسیاوە بۆ سەر ئۆکراینا زیاتر لە 600 منداڵ کوژراون

ئاڤا نیوز

نووسینگەی داواکاریی گشتیی ئۆکراینا دەڵێت، لە سەرەتای دەستپێکردنی ھێرشەکانی ڕووسیا بۆ سەر ئۆکراینا لە سەرەتاکانی ساڵی 2022ـەوە تا ئێستا، 631 منداڵ لە ئۆکراینا کوژراون و ھەزار و 975 دیکەش برینداربوون.

وێنە گەورەکە: ماوەی زیاتر لە سێ ساڵە شەڕی نێوان ڕووسیا و ئۆکراینا بەردەوامە، لەو ماوەیەدا بە هەزاران کەس لە هەردوولا کوژراون و لە نێویاندا بە سەدان منداڵ هەن.

ڕاگەیێنراوی فەرمی: لە ڕاگەیێنراوێکدا کە لەلایەن نووسینگەی داواکاریی گشتیی ئۆکرایناوە بڵاوکراوەتەوە تێیدا ئاماژە بەوە کراوە، ئەمڕۆ 4ـی حوەزەیران، ڕۆژی یادکردنەوەی ئەو منداڵانەیە کە لە ئۆکرانیا بەھۆی شەڕەوە کوژراون. باسی لەوەش کردووە کە ئەمە ئاماری کۆتایی نییە، چونکە ھێشتا شەڕ درێژەی ھەیە.

لەلایەکی دیکەوە: ڤۆلۆدیمێر زێلینسکی، سەرۆکی ئۆکراینا چەندین وێنە و گرتەی ڤیدیۆیی سەبارەت بەو منداڵانەی کە بەھۆی شەڕەوە کوژراون لە ھەژماری خۆی لە تۆڕی کۆمەڵایەتیی تەلەگرام بڵاوکردووەتەوە و ڕایگەیاندووە، "ئەو منداڵانە لەسەر دەستی ڕووسیا لە شەڕدا، کوژراون".

زانیاریی زیاتر: زێلینسکی جەختی لەوەش کردووەتەوە کە ڕووسیا بەردەوامە لە ھێرشەکانی بۆ سەر ئۆکراینا و نووسیوویەتی: "نابێت جیھان لە ڕووسیا خۆشبێت و ئەم ئازار و دەستدرێژییە گەورەیە لەبیر بکات".