24 شوێن بۆ فرێدانی پاشماوەی قوربانی لە هەولێر دیاری دەکرێن

ئاڤا نیوز

 

لە هەولێر 24 شوێن بۆ فرێدانی پاشماوەی ئەو ئاژەڵانەی دەکرێنە قوربانی دیاری کراوە، شارەوانیش دەڵێت: هەر کەسێک سەرپێچی بکات لە فڕێدانی پاشماوە سزا دەدرێت. 

 

چیرۆکی سەرەکی: ساڵانە لە هەندێک شوێنی گشتی و شۆستەی شەقامەکان پاشماوەی ئەو ئاژەڵانەی دەکرێنە قوربانی فرێدەدرێت، ئەمەش جگە لە پیسکردنی ژینگە بۆنێکی ناخۆش بڵاودەکاتەوە ، بۆ چارەسەرکردنی ئەم بابەتە 24 شوێن بۆ فڕێدانی ئەو پاشماوانە دیاری کراوە.

 

لێدوانی فەرمی: ژیار جەلال، بەرێوەبەری خزمەتگوزاری و ژینگەپارێزی هەولێر بە ئاڤای گوت: بەمەبەستی پاراستنی ژینگەی شاری هەولێر 24 شوێنمان بۆ فرێندانی پاشماوەی قوربانیکردن دیاری کردووە، داواکارین لە هاونیشتمانیان پابەندبن بە فرێدانی پاشماوەی ئاژەڵەکانی قوربانی لەو شوێنانە، هەر کەسێکیش سەرپێچی بکات سزا دەدرێت.

 

زانیاریی زیاتر: ژیار جەلال گوتی: لەکاتی بوونی هەر کێشەیەک لە پرۆسەی خاوێنکردنەوە، هاونیشتمانیان دەتوانن پەیوەندی بکەن بە ژمارەی مۆبایلی بەرێوەبەرایەتیی خزمەتگوزاری و ژینگەپارێزییەوە بکەن ژمارەی (07509584838)، یاخود پەیوەندی بە لیژنەکانمان بکەن بۆ بەدواداچوون، کە ژمارەکانیان لە سنوری شارەوانییەکانە.