ڕووسیا کیێڤ بۆردوومان دەکات

ئاڤا نیوز

ڕووسیا هێرشێکی نوێی کردە سەر کیێڤی پایتەختی ئۆکراینا و بە هۆیەوە لانیکەم چوار کەس کوژران کە سێ کەسیان ئەندامانی تیمەکانی فریاگوزاریی بوون.

چیرۆکی سەرەکی: ئەم هێرشە نوێیانە لە کاتێکدان کە پێشتر دۆناڵد ترەمپ، سەرۆکی ئەمریکا، هۆشداری دابوو لەوەی ڤلادیمیر پووتینی سەرۆکی ڕووسیا تۆڵەی هێرشە درۆنییەکەی ئۆکراینا بۆ سەر فڕۆکە جەنگییەکانی ڕووسیا دەکاتەوە.

زانیاریی زیاتر: هێرشەکە بە درۆن و مووشەک ئەنجام دراوە و جگە لە زیانە گیانییەکان، زیانی بەرچاویشی بە چەند باڵەخانەیەک گەیاندووە و بووەتە هۆی پچڕانی کارەبای بەشێک لە ڕۆژهەڵاتی شارەکە.

ئەمەش بزانە: هاوکات بەرگریی ئاسمانیی ئۆکراینا توانیویەتی بەرپەرچی چەند هێرشێک بداتەوە و ژمارەیەک درۆن و مووشکی ڕووسی بخاتە خوارەوە.