وۆڵ ستریت جۆرناڵ: چین سوتەمەنیی مووشەکەکانی ئێران دابین دەکات

ئاڤا نیوز

 

ئێران داوای پێکهاتە سەرەکییەکانی دروستکردنی مووشەکی بالیستی لە چین کردووە.

بڵاوکراوەی فەرمی: ڕۆژنامەی وۆڵ ستریت جۆرناڵ لە ڕاپۆرتێکیدا و بە پشتبەستن بە چەند سەرچاوەیەک، ڕایگەیاند، لە کاتێکدا ئێران لەگەڵ ئەمریکا سەبارەت بە پڕۆگرامە ئەتۆمییەکەی لە گفتوگۆ و دانوستاندایە، هەوڵی بەهێزکردنی توانای سەربازیی خۆی دەدات.

زانیاریی زیاتر: بە گوێرەی ڕاپۆرتەکە ئێران هەزاران تۆن ماددەی پێویستی بۆ درووستکردنی سووتەمەنیی ڕەق بۆ مووشەکە بالیستییەکانی لە چین داوا کردووە و چاوەڕێ دەکرێت لە ئایندەیەکی نزیکدا ڕادەستی ئێران بکرێت.

گۆشەیەکی دیکەی دیمەنەکە: ڕۆژنامەکە ئەوەشی نووسیوە کە ئەگەری هەیە بەشێک لەم ماددانە بگوازرێتەوە بۆ میلیشیا هاوپەیمانەکانی ئێران لە ناوچەکە، لەوانەش حوسییەکانی یەمەن.