ڤیزت کوردستان سێ کۆنسێرتی گەورە لە هەولێر سازدەکات

ئاڤا نیوز

دامەزراوەی ڤیزت کوردستان کە کاردەکات بۆ ڕاکێشانی گەشتیار بۆ هەرێمی کوردستان لە دووەم تا چوارەم رۆژی جەژن سێ کۆنسێرتی گەورە بۆ ژمارەیەک هونەرمەندی ناسراو لە هەولێر ساز دەکات.

وێنە گەورەکە: ڤیزت کوردستان دامەزراوەیەکی ناحکومییە و ماوەی زیاتر لە ساڵێکە دامەزراوە، لە چوارچێوەی کەرتی گەشتوگوزار کار دەکات و مەبەست لێی نیشاندانی شوێنە سرووشتییەکانی کوردستانە بە جیهان.

لێدوانی فەرمی: هەڵمەت کێستەیی وتەبێژی دامەزراوەی ڤیزت کوردستان بە ئاڤا میدیای ڕاگەیاند، سبەی یەکەم کۆنسێرت لە هەولێر بۆ هونەرمەندانی بەنێوبانگی عەرەب یارا و محەممەد سالم بەڕێوەدەچێت و چاوەڕێ دەکرێت هەزاران کەس ئامادەی بن.

"لە رۆژی سێیەمی جەژن هونەرمەندی بەنێوبانگی لوبنانی ڕاغب عەلامە و چوارەم رۆژیش هونەرمەندانی نێوداری کورد ئەیوب عەلی و کاروان کامیل کۆنسێرتەکانیان بەڕێوەدەچن".

ئەوەی پێویستە بیزانیت: کۆنسێرتەکان لە پارکی سامی عەبدولڕەحمان لە نێو کەشێکی فێنک و جیاوازدا بەڕێوەدەچن.