دانوستانی بازرگانی ئەمریکا و چین لە لەندەن دەکرێت

ئاڤا نیوز

دانوستانی بازرگانی نوێ لە لەندەن ڕۆژی دووشەممە لە نێوان ئەمریکا و چین بەڕێوە دەچێت، ئەمەش وەک هەوڵێک بۆ گەیشتن بە "ڕێککەوتن" لە نێوان هەردوو وڵات سەبارەت بە باج.

وێنە گەورەکە: دوای سەپاندنی باجی گومرگی بەسەر کەل و پەلە هاوردەکراوەکانی چین بۆ ئەمریکا، جەنگی بازرگانی ئەو دوو وڵاتە دەستیپێکرد، بۆ کەمکردنەوەی گرژییەکانی نێوانیان، ڕێککەوتن باجی زیادە لەسەر کاڵاکانی یەکتر هەڵبگرن.

بڵاوکراوەی فەرمی: دۆناڵد ترەمپ، سەرۆکی ئەمریکا لە ڕێگەی پلاتفۆرمی تروس سۆشیال ڕایگەیاند کە ڕۆژی دووشەممە دانوستانی نێوان ئەمریکا و چین لە لەندەن دەکرێت.  وتیشی، پێویستە ئەم کۆبوونەوەیە زۆر بە باشی بەڕێوەبچێت.

زانیاریی بەدەستهاتوو: شاندەکەی ئەمریکا لە سکۆت بێسانت، وەزیری گەنجینەی ئەمریکا و هاوارد لوتنیک، وەزیری بازرگانی و جەیمسۆن گریر، نوێنەری بازرگانی پێکدێت.