ئۆکراینا: ڕووسیا خوازیاری ئاگربەست نییە

ئاڤا نیوز

 
سەرۆکی ئۆکراینا هاوتا ڕووسییەکەی بە ''درێژەدان بە جەنگ تۆمەتبار دەکات'' و دەڵیت نایەوێت بە ئاگربەست ڕازی بێت، بەڵام سەرەڕای گرژییەکانی نێوانیان هەفتەی داهاتوو  ئاڵوگۆڕکردنی دیلەکانی ئەو دوو وڵاتە دژیەکە بەڕێوەدەچێت. 

 

وێنە گەورەکە: لە ساڵی 2014ەوە شەڕی نێوان ڕووسیا و ئۆکراینا دەستیپێکردووە و ماوەی چەندین ساڵە ئەم دوو وڵاتە لە ململانێی ڕاستەوخۆ و ناڕاستەوخۆدان کە جەنگی سەربازی و ململانێی دەریای و ئەلیکترۆنیشی لەخۆ گرتووە، لە شوباتی ساڵی 2022دا ڕووسیا گەورەترین لەشکرکێشی بۆ سەر ئۆکراینا دەستیپێکرد و ئەمەش بووە هۆی دروستبوونی گەورەترین شەڕی لە دوای جەنگی دووەمی جیهانییەوە کە کوژرانی هەزران کەس و ئاوارەبوونی بە کۆمەڵی لێکەوتووەتەوە. 

 

لێدوانی فەرمی: ڤۆلۆدێمێر زێلێنسکی، سەرۆکی ئۆکراینا ڕایگەیاند، پووتین ئاگربەست ناخوازێت. بەڵکو خوازیاری شکستی تەواوەتی ئۆکراینایە، تەنیا فشارێکی بەهێزی ئەمریکا و وڵاتانی ئەوروپا دەتوانن ئەو ناچار  بکات، بۆ ئەوەی شەڕەکە بوەستێنێت.

 

زانیاریی زیاتر: دانوستانەکانی 2ـی حوزەیران دووەم گفتوگۆی ئاشتیی ڕاستەوخۆی نێوان رووسیا و ئۆکراینا بوو کە تیایدا هیچ رێککەوتنێکی ئاگربەست لێنەکەوتەوە، بەڵام هەردوو گەڕەکە بوونە هۆی رێککەوتن لەسەر ڕێکاری مرۆیی، لە کۆبوونەوەکەدا، هەردوولا ڕەزامەندییان لەسەر گەڕێکی نوێی گۆڕینەوەی دیلەکان دەربڕی.

- ئۆکراینا لەوبارەیەوە دەڵێت: پلانی گۆڕینەوەی دیل و تەرمی سەربازەکان لەگەڵ رووسیا "هەفتەی داهاتوو" دەستپێدەکات، ئەمەش دوای ئەوەی هەردوولا یەکدییان بە دواخستنی پرۆسەکە تۆمەتبار کرد.
 
باکگراوند: ئۆکراینا و رووسیا لە نێوان 23 بۆ 25ـی ئایاردا گەورەترین پرۆسەی گۆڕینەوەی دیلەکانیان لە جەنگە فراوانەکەدا کرد، کە هەر لایەنێک 1,000 دیلی گۆڕییەوە.