چاوەڕوان دەکرێت 300 هەزار گەشتیار و سەردانیکار بێنە هەرێمی کوردستان

ئاڤا نیوز

 

ڕۆژانە هەزاران گەشتیار لە بازگەکانەوە دێنە هەرێمی کوردستان، سەردانی ناوچە گەشتیارییەکان دەکەن، دەستەی گەشتوگوزاریش پێشبینی دەکات سەرووی 300 هەزار گەشتیار  و سەردانیکار لە ماوەی 10 ڕۆژدا تۆماربکرێت.

وێنە گەورەکە: بە هۆی پشووی هاوین و داخستنی دەرگای قوتابخانەکان، هاوکات نزمی پلەکانی گەرمای ناوچەکانی هەرێمی کوردستان، بە بەراورد بە ناوچەکانی باشوور و ناوەڕاستی عێراق، ژمارەی هاتنی گەشتیاران ڕۆژ دوای ڕۆژ لە زیادبوون دايە.

 

لێدوانی فەرمی: ئیبراهیم عەبدولمەجید، گوتەبێژی دەستەی گەشتوگوزاری حکومەتی هەرێمی کوردستان بە ئاڤای ڕاگەیاند: "بەر لە جەژن بەپێی لێکدانەوەکان پێشبینی هاتنی 300 هەزار گەشتیارمان کردبوو، بەڵام ئامارەکانی ئەو چەند ڕۆژەی ڕابردوو پێمان دەڵێت، زۆر زیاتر لەو ژمارەیە گەشتیاری و سەدانیکار دێنە هەرێمی کوردستان."

 

باکگراوند:  هەرێمی کوردستان دەوڵەمەندە بە ژمارەیەکی زۆر ناوچەی گەشتیاری و سەرچاوەی ئاوی، ساڵانە لە جەژن و بۆنەکان، زیاتر لە دوو هەزار و 500 شوێنی گەشتیاریی تۆمارکراون ساڵانە ملیۆنان گەشتیار ڕووی تێدەکەن.