زانکۆی سنە: بەرزکردنەوەی کرێی خوێندن لەسەر قوتـابیانی هەرێم بەڕێژەیی (35%) ڕەتدەکاتەوە

ئاڤا نیوز

سەرچاوەیەکی ئاگادار لە زانکۆی کوردستان لە سنە ڕەتی کردەوە دوای سەردانی پارێزگارەکانی هەرێمی کوردستان، زانکۆکەیان پارەی خوێندنیان بۆ خوێندکارانی خەڵکی هەرێمی کوردستان زیاد کردبێت و دەڵێت، "ئەو هەواڵەی بڵاوبووەتەوە دوورە لە ڕاستییەوە."

وێنە گەورەکە: ئێستا 450 قوتابی خەڵکی باشووری کوردستان لە زانکۆی کوردستانی سنە دەخوێنن، وابڵاوکرایەوە ئەو زانکۆیە کرێی خوێندنی لە 450 دۆلارەوە بۆ 650 یورۆ زیاد کردووە.

لێدوانی فەرمی: سەرچاوەیەک لە زانکۆی کوردستانی سنە بە مەرجی بڵاونەکردنەوەی ناوی، گوتی: سەردانی پارێزگارەکانی هەرێمی کوردستان بۆ سنە هیچ پەیوەندییەکی بەو بابەتەوە نییە و ئەو هەواڵە بە تەواوەتی درۆیە.

- بەهۆی کەمیی کرێی خوێندن لە زانکۆکەیان لە هەوڵدان هەندێک زیاتری بکەن، بەڵام هێشتا بڕیاری لەسەر نەدراوە.

سەرچاوەکە ئاماژەی بەوەشدا، کرێی خوێندن لە زانکۆی ئەوان زۆر کەمترە لە زانکۆکانی وەک کرماشان و هەمەدان و بەم هۆیەشەوە زیانیان پێدەگات.

ئەوەی پێویستە بیزانیت: ئێستا کرێی خوێندن لە زانکۆی کوردستان بۆ هەر سمستەرێک 400 دۆلارە و ساڵیکی خوێندن لە دوو سمستەر پێکدێت.

ئەمەش بزانە: پێشتر پارێزگارەکانی هەولێر، هەڵەبجە، سلێمانی و دهۆک سەردانی شاری سنەیان لە ڕۆژهەڵاتی کوردستانیان کرد، بە مەبەستی پەرەپێدانی پەیوەندییە ئابووریی و کولتوورییەکان لەگەڵ بەرپرسانی پارێزگاکانی سنە، کرماشان و ورمێدا کۆبوونەوە.