پرۆسەی گەڕانەوەی حاجییانی عێراق دەستپێدەکات

ئاڤا نیوز

پرۆسەی گەڕانەوەی حاجییان دەستپێدەکات و وەزارەتی گواستنەوەی عێراق ئاماژە بۆ ئەوە دەکات، ئەمڕۆ یەکەم کاروانی حاجییانی عێراق لە فڕۆکەخانەی تایفەوە بەرەو فڕۆکەخانەی نێودەوڵەتیی بەغدا بەڕێدەکەوێت.

 

وێنە گەورەکە: بە مەبەستی بەجێهێنانی فەریزەی، حەج نزیکەی 40 هەزار هاووڵاتی لە هەرێمی کوردستان و پارێزگاکانی دیکەی عێراقەوە هەم لە ڕێگەی ئاسمانی و هەمیش لە ڕێگەی وشکانی سەردانی شانشینی سعودییەیان کردبوو.

 

ڕاگەیێنراوی فەرمی: بەگوێرەی ڕاگەیێنراوی وەزارەتی گواستنەوەی عێراق، سەرجەم ئامادەکارییەکان لەلایەن وەزارەتی گواستنەوە تەواو کراوە بۆ پێشوازیکردن لە حاجییانی عێراق، ئەمڕۆ سێشەممە پڕۆسەی گەڕانەوەی حاجیانی عێراقی لە فڕۆکەخانەکانی تایف و جددە و مەدینە لە شانشینی سعودییە دەستپێدەکات، یەکەم گەشتەکان لە فڕۆکەخانەی تایفەوە بەرەو فڕۆکەخانەی نێودەوڵەتیی بەغدا بەڕێدەکەون.

 

شێوازی جێبەجێکردن: بەگوێرەی وەزارەتی گواستنەوەی عێراق، دوای دوو ڕۆژ واتە لە ڕۆژانی 12 و 13ی حوزەیران ژمارەی گەشتەکان بۆ دوو گەشت لە ڕۆژێکدا زیاددەکات، پاشان دەگاتە چوار بۆ شەش گەشت لە ڕۆژێکدا تاوەکو 24ی ئەم مانگە.

 

لەلایەکی دیکەوە: پێشتر شێخ نیاز نەقشبەندی، بەڕێوەبەری حەج و عومرەی کوردستان بە ئاڤا میدیای ڕاگەیاندبوو "ڕۆژی 14-06-2025، هەم لەڕێگەی وشکانی و هەمیش لە ڕێگەی ئاسمانییەوە حاجییانی هەرێمی کوردستان دەگەڕێنەوە کوردستان.