عێراق میوانداریی فێستیڤاڵی نێودەوڵەتیی ژنانی ڕاگەیاندنکاری عەرەب دەکات

ئاڤا نیوز

عێراق میوانداریی خولی 14ـی فێستیڤاڵی نێودەوڵەتیی ژنانی ڕاگەیاندنکاری عەرەب دەکات و ڕاوێژکارێکی سەرۆکوەزیرانی عێراقیش ئاماژە بۆ ئەوە دەکات فیستیڤاڵەکە دەبێتە کۆڕبەندێکی گەورەی عەرەبی بۆ ڕۆژنامەگەری و ڕاگەیاندنی عەرەبی.

 

چیرۆکی سەرەکی: لەژێر چاودێریی محەممەد شیاع سوودانی، سەرۆکوەزیرانی عێراق و بە بەشدارییەکی فراوانی وڵاتانی عەرەبی، ئەمڕۆ سێشەممە بەغدای پایتەخت میوانداریی فێستیڤاڵی نێودەوڵەتیی ژنانی ڕاگەیاندنکاری عەرەب لە خولی چواردەیەمیدا دەکات.

 

لێدوانی فەرمی: حوسێن عەلاوی، ڕاوێژکاری سەرۆکوەزیرانی عێراق بە ئاژانسی هەواڵی عێراقی ڕاگەیاند: "فێستیڤاڵی نێودەوڵەتیی ژنانی ڕاگەیاندنکاری عەرەب لە خولی چواردەیەمیدا، دەبێتە کۆڕبەندێکی گەورەی عەرەبی بۆ ڕۆژنامەگەری و ڕاگەیاندنی عەرەبی، لەڕێگەی ئەو کەسایەتی و ژنە ڕاگەیاندنکارە عەرەبانەوە کە بەشداری لەو گفتوگۆیانەدا دەکەن کە لە فێستیڤاڵەکەدا بەڕێوەدەچن.

 

لەلایەكی دیكەوه: بە گوتەی حوسێن عەلاوی، لە میانی فێستیڤاڵەکەدا "خەڵاتی ئەتوار بەهجەت، ڕۆژنامەنووسی عێراقی، بۆ ساڵی 2025 دابەش دەکرێت وەک هاندانێک بۆ ڕۆژنامەنووسە ژنە عەرەب و عێراقییەکان، تاوەکو دەنگی وشە وەک ڕۆحی ڕاگەیاندنکاری شەهید ئەتوار بەهجەت بە زیندوویی بمێنێتەوە، کە گیان و قەڵەمی خۆی لەپێناو دەنگی ڕاگەیاندنی عێراقیدا بەخت کرد."

 

ئەوەی پێویستە بیزانیت: فێستیڤاڵەکە لەلایەن تیمی پەیوەندییەکانی حکومەت و کۆڕبەندی ژنانی ڕاگەیاندنکاری عێراقی و دەستەی ڕاگەیاندن و گەیاندنەوە ڕێکخراوە و تاوەکو 13ـی ئەم مانگە بەردەوام دەبێت.