زێلێنسکی: ڕووسیا گەورەترین هێرشی ئاسمانی کردە سەر کیێڤ

ئاڤا نیوز

 

سەرۆکی ئۆکراینا دووپاتیکردەوە ڕووسیا لە شەوی ڕابردوودا یەکێک لە گەورەترین هێرشە ئاسمانییەکانی  بۆ سەر کیێڤ ئەنجامداوە.

 

وێنە گەورەکە: ڕۆژی سێشەممە 10-6-2025، هێزی ئاسمانی ئۆکرانیا ڕایگەیاند، مۆسکۆ لە ماوەی شەوێکدا 315 فڕۆکەی بێفڕۆکەوان و  حەوت مووشەکی ئاراستەی ئۆکراینا کردووە، ئەمەش بە یەکێک لە گەورەترین هێرشی ئاسمانی ڕووسیا دادەنرێت لە سەرەتایی دەستپێکردنی شەڕی هەردوو لا.

لێدوانی فەرمی: ڤۆلۆدیمێر زێلێنسکی، سەرۆکی ئۆکراینا ڕایگەیاند: هێرشەکانی ڕووسیا بەتایبەتی بۆ سەر کیێڤی پایتەخت بوونە، داوای وەڵامێکی "بەرجەستە"ی ئەمریکا و ئەوروپای بۆ هێرشەکانی ڕووسیا کرد.

 

لەلایەکی دیکەوە: بەرپرسانی ڕووسیا ڕایانگەیاند، ئەو هێرشانە لە وەڵامی هێرشە ئاسمانییەکانی ئۆکراینا بوون بۆ سەر فڕۆکەخانەکانی ڕووسیا کە بەهۆیەوە ناچاربوون 13 فڕۆکەخانە دابخەن.