عێراق یەکەم کاروانی هێلیکۆپتەری 'کاراکاڵ'ـی فەرەنسی بەدەست گەیشت

ئاڤا نیوز

وەزارەتی بەرگریی عێراق یەکەم کاروانی هێلیکۆپتەری جۆری 'کاراکاڵ'ـی فەرەنسی بەدەست گەیشت، کە پێشتر گرێبەستی کڕینی ئەو هێلیکۆپتەرانەی لەگەڵ فەرەنسا واژۆ کردبوو.

وێنە گەوەرەکە: لە چوارچێوەی جێبەجێکردنی بەرنامەی حکومەت بۆ پەرەپێدانی تواناکانی هێزە چەکدارەکانی، وەزارەتی بەرگریی عێراق یەکەم کاروانی هێلیکۆپتەری فرەئەرکی فەرەنسی جۆری 'کاراکاڵ'ـی بەدەست گەیشت.

ڕاگەیێنراوی فەرمی: بە گوێرەی ڕاگەیێنراوی وەزارەتی بەرگریی عێراق، ئەم کاروانە کە لە دوو هێلیکۆپتەر پێکدێت، بە یەکەم کاروان دادەنرێت کە وەرگیراوە و کاروانەکانی دیکەش بەدوایدا دێن و لە ماوەی ئەمساڵ و ساڵی داهاتوودا بە شێوەی یەک لە دوای یەک دەگەن.

ئەوەی لەوبارەیەوە دەگوترێت: سابت عەباسی، وەزیری بەرگریی عێراقیش ڕایگەیاند، ئەم هێلیکۆپتەرانە بەشدار دەبن لە بەهێزکردنی تواناکانمان لە بوارەکانی گواستنەوەی تاکتیکی، پشتیوانی و ڕزگارکردندا.

لە هەمان کاتدا: عەباسی گوتیشی: بەردەوامین لە پشتگیریکردنی سوپاکەمان و پڕچەککردنی بە سیستەمی پێشکەوتوو کە لە ئاستی پێداویستییەکانی بەرگریی نیشتمانیدا بێت.

ڕێككەوتنكە بەم شێوەیەیە: ڕۆژی 5ـی ئەیلوولی 2024، لە بەغدا بە ئامادەبوونی سابت عەباسی، وەزیرى بەرگریى عێراق و پاتریک دۆرێڵ، باڵیۆزى فەرەنسا لە عێراق، گرێبەستی کڕینی هێلیکۆپتەرانە واژۆ کران.

تایبەتمەندییەکان: هێلیکۆپتەری جۆری کاراکاڵ H225M دوو بزوێنەر و پێنج پەروانەى هەیە. تواناى فڕینى بۆ زیاتر لە 800 میل هەیە، هێلیکۆپتەرێکی فرەئەرکە بۆ پاڵپشتی و ئۆپەراسیۆنى تایبەت و گواستنەوە و چاودێری، هاوکات توانای هەڵگرتنی مووشەکیشی هەیە و سوپاى فەرەنسا لە شەڕى دژ بە داعش تاقیکردووەتەوە.