کەسێکی دیکە لە دهۆک بەهۆی لافاوەوە گیانی لەدەستدا

ئاڤا نیوز

 

لە یەکێک لەو ماڵانەی بەر لافاو کەوتوون لە پارێزگای دهۆک، شۆرتی کارەبا دروستبووە و بەهۆیەوە مێردمنداڵێک گیانی لەدەستدا، بەمەش ژمارەی ئەوانەی گیانیان لەدەستداوە بۆ سێ کەس بەرزبووەوە.

 

لێدوانی فەرمی: بێوار عەبدولعەزیز، گوتەبێژی بەرگری شارستانی دھۆک بە ئاڤا نیوزی ڕاگەیاند، "ئەمشەو لە گەڕەکی ڕەزا، خانوێک کە بەر لافاو کەوتبوو، شۆرتێکی کارەبایی تێیدا ڕوویداوە و بەهۆیەوە مێردمنداڵێکی تەمەن 15 ساڵی گیانی لەدەستداوە."

 

زانیاری زیاتر: تاوەکو ئێستا بارانی بەخوڕ لە شاری دهۆک بەردەوامە و تیمەکانی بەرگری شارستانی سەرقاڵی کارکردن بۆ ئەوەی مەترسییەکان کەم بکرێنەوە.

 
ئەوەی پێویستە بیزانیت: ئەمڕۆ بەهۆی بارانی بەخوڕ و لافاو لە دهۆک دوو گەنج گیانیان لەدەستدا و زیاتر لە 100 ماڵ زیانیان بەرکەوت و پارێزگاری دهۆکیش بۆ سبەی چوارشەممە پشووی فەرمی ڕاگەیاند. ئەو دوو گەنجەی گیانیان لەدەستداوە هێشتا تەرمەکانیان نەدۆزراوەتەوە.