سوودانی و باڵیۆزانی یەکێتیی ئەوروپا و وڵاتانی ئەندام لە ئەنجوومەنی ئاسایش لە کۆبوونەوەدان

ئاڤا نیوز

سەرۆکوەزیرانی عێراق لەگەڵ باڵیۆزانی یەکێتیی ئەوروپا لە عێراق و باڵیۆزانی وڵاتانی ئەندامی هەمیشەیی لە ئەنجوومەنی ئاسایشی نێودەوڵەتی لە کۆبوونەوەدان.

ئەوەی پێویستە بیزانیت: کۆبوونەوەی سوودانی و باڵیۆزانی یەکێتیی ئەوروپا وڵاتانی ئەندام لە ئەنجوومەنی ئاسایشی نێودەوڵەتی لە کاتێکدایە دوێنێ سێشەممە ئەنجومەنی ئاسایشی نەتەوەیەکگرتووەکان لەسەر ماف و قووتی هاووڵاتیانی هەرێمی کوردستان و دۆخی عێراق کۆبوویەوە و داوای کرد، پرسەکانی نێوان هەرێمی کوردستان و عێراق بەپێی دەستوور یەکلایی بکرێنەوە.

ڕاگەیێنراوی فەرمی: بەگوێرەی ڕاگەیێنراوی نووسینگەی سەرۆکوەزیرانی عێراق، محەممەد شیاع سوودانی، سەرۆکوەزیرانی عێراق،  پێشوازی لە باڵیۆزانی یەکێتیی ئەوروپا لە عێراق و باڵیۆزانی وڵاتانی ئەندامی هەمیشەیی لە ئەنجومەنی ئاسایشی نێودەوڵەتی دەکات.