وادەی  گەڕێکی دیکەی دانوستانەکانی نێوان ئەمریکا و ئێران دیاری کرا

ئاڤا نیوز

یەکشەممەی داهاتوو وەک وادەی گەڕێکی دیکەی دانوستانەکانی واشنتن و تاران لەسەر بەرنامە ئەتۆمییەکەی ئێران دیاریکرا و ترەمپیش دەڵێت، گەشبین نییە بە ئەنجامی دانوستانەکان.

وێنە گەورەکە: دوای ئەگەری هێرشی ئیسرائیل بۆ سەر ئێران، بڕیارە جارێکی دیکە ئەمریکا و ئێران لەسەر ئاستی باڵا کۆببنەوە.

لێدوانی فەرمی: بەدر بوسەعیدی وەزیری دەرەوەی عومان لە تۆڕی ئێکس ڕایگەیاند، خۆشحاڵم پشتڕاستی دەکەمەوە گەڕێکی دیکەی دانوستانەکانی نێوان ئەمریکا و ئێران ئەنجام دەدرێت.

زانیاریی زیاتر: بە گوتەی بوسەعیدی، بڕیارە ڕۆژی یەکشەممە، 2025-06-15، لە مەسقەتی پایتەختی عومان دانوستانەکانی واشنتن و تاران دەستپێبکاتەوە.