سەرەڕای هۆشدارییەکانی ئەمریکا، جووڵەی فڕۆکەوانی لە ئاسمانی عێراق ئاساییە

ئاڤا نیوز

سەرەڕای هۆشدارییەکانی ئەمریکا بۆ بوونی مەترسی لە عێراق، بەڵام ئەمڕۆ جووڵەی فڕۆکەوانی لە ئاسمانی عێراق ئاساییە و گەشتە ناوخۆیی و نێودەوڵەتییەکان بەگوێرەی خشتەی خۆیان بەردەوامن.

وێنە گەورەکە: لە پێشهاتێکی نوێدا و بەهۆکاری بوونی مەترسی ئەمنیی، ئەمریکا بڕیاریدا ژمارەی کارمەندانی باڵیۆزخانەی وڵاتەکەی لەبەغدا کەمبکاتەوە، حکومەتی عێراقیش ڕایگەیاند، هیچ مەترسییەکی ئەمنیی لە وڵاتدا بوونی نییە تا پێویست بەو بڕیارە بکات.

زانیاریی بەدەستهاتوو: بەگوێرەی ماڵپەڕی فلایت ڕادار کە چاودێریی جووڵەی فڕۆکەوانی دەکات، گرژییەکانی نێوان ئەمریکا و ئێران کاریگەریی لەسەر جووڵەی فڕۆکەوانی و گەشتە ئاسمانییەکان لە عێراق نەبووە، گەشتەکانیش بەشێوەیەکی ئاسایی بەردەوامن.