ئیسرائیل: حەماس دۆخی غەززە وەک چەکێک بەکاردەهێنێت

ئاڤا نیوز

ئیسرائیل، بزووتنەوەی حەماس تۆمەتبار دەکات بەوەی "ئازارەکانی غەززە وەک چەکێک" بەکاردەهێنێت و خراپی دۆخی خەڵکی غەززە بۆ بەرژەوەندی خۆی دەقۆزێتەوە و ناهێڵێت هاوکاری بگات بە دانیشتووانەکەی.

چیرۆکی سەرەکی: دامەزراوەی مرۆیی غەززە کە سەر بە ئەمریکایە و ئیسرائیل پشتگیری دەکات، پێنج لە ئەندامەکانی کوژران، دامەزراوەکە بزووتنەوەی حەماس تۆمەتبار دەکات بە کوشتنی ئەندامەکانی. 

بڵاوکراوەی فەرمی: وەزارەتی دەرەوەی ئیسرائیل لە ئێکس ڕایگەیاند، حەماس  دوای هەڕەشە و درۆ وڕێگریکردن، ئێستا ڕوویان لە خوێنی سارد کردووە. حەماس دۆخی غەززە و نەهامەتیی خەڵکەکەی وەک چەکێک بەکاردەهێنێت، دانیشتووانی غەززە لە خۆراک بێبەش دەکات، ئەندامانی ئەو دامەزاروەیە غەززە دەکاتە ئامانج. بۆ ئەوەی هاوکاری نەگات بە دانیشتووانی غەززە.