لە سلێمانی زیاتر لە پێنج هەزار پزیشک و کارمەندی تەندروستی زەوییان پێدەدرێت

ئاڤا نیوز

پێنج هەزار و 501 پزیشک و کارمەندی تەندروستی و فەرمانبەری بەڕێوەبەرایەتی گشتیی تەندروستیی سلێمانی ناویان بۆ وەرگرتنی زەوی گەڕاوەتەوە.

وێنە گەورەکە: بە بڕیاری ئەنجوومەنی وەزیرانی هەرێمی كوردستان تائێستا بە پێنج قۆناغ، 422 هەزار کەس وردبینی فۆڕمەکانیان تەواو کراوە و ڕەزامەندی پێدانی زەوییان بۆ دەرچووە، لە قۆناغی شەشەمی پڕۆسەکەش وردبینی بۆ بیست هەزار فۆڕمی دیکە دەکرێت.

ڕاگەیێنراوی فەرمی: بەڕێوەبەرایەتیی گشتیی تەندروستیی سلێمانی لە ڕاگەیێنراوێکدا بڵاوی کردووەتەوە: لە لیستی دووەمی سوودمەندانی وەرگرتنی زەوی، بەڕێوەبەرایەتیی گشتیی تەندروستیی سلێمانی، پێنج هەزار و 501 پزیشک و کارمەندی تەندروستی و فەرمانبەری دیکە ناوەکانیان گەڕاوەتەوە.