ژمارەی قوربانیانی فڕۆکەکەی هیندستان زیادی کرد

ئاڤا نیوز

 

فڕۆکەیەکی هیندستان کە 242 سەرنشینی هەڵگرتبوو دوای کەمتر لە خولەکێک لە بەرزبوونەوەی، خۆی دەکێشێت بە باڵەخانەیەکدا و تەنها یەک کەس ڕزگاری دەبێت.  

 

چیرۆکی سەرەکی: پێشنیوەڕۆی ڕۆژی پێنجشەممە، 12-06-2025، فڕۆکەیەکی هیندستان کە پلانی گەشتی هەبوو بەرەو لەندەن، تەنها نزیک لە خولەکێک لە بەرزبوونەوەی لە فڕۆکەخانەی ئەحمەدئاباد لە ڕۆژئاوای هیندستان خۆی دەکێشێت بە باڵەخانەیەکی نیشتەجێبووندا و بە تەواوی تێکدەشکێت. 

 

زانیاریی زیاتر: ئەمە یەکجارە فڕۆکەیەکی هێڵی ئاسمانی هیندستان کە لە جۆری Boeing 787 -8 دریملاینەر بکەوێتە خوار و ئەو کارەساتە گەورەی لێبکەوێتەوە، ئەو 242 سەرنشینەی کە لە فڕۆکەکەدابوون بەم شێوەیە دابەشبوون:- 
169 کەسیان خەڵکی هیندستانن، 53 کەسیان خەڵکی بەریتانیان، یەک کەسیان خەڵکی کەنەدا و حەوت کەسیان خەڵکی پورتوگالن.

 

لێدوانی فەرمی: وتەبێژی فڕۆکەخانەکە لە یەکەم لێدوانی خۆیدا لە دوای کەوتنەخوارەوەی فڕۆکەکە ڕایگەیاندووە، سەرجەم گەشتە ئاسمانییەکان بۆ ئەحمەدئاباد و گەڕانەوەیان ڕاگیراون، پۆلیسی هیندستانیش ڕایگەیاندووە کە فڕۆکەکە کەوتووەتە سەر باڵەخانەیەکی نیشتەجێبوونی پزیشکان لە شاری ئەحمەدئاباد، دەسەڵاتداران لە لێکۆڵینەوەن بۆ هۆکاری ڕووداوەکە و بریندارەکان دەگوازرێنەوە بۆ نزیکترین نەخۆشخانە.

ئەوەی پێویستە بیزانیت: جیا لەوەی لە کاتژمێری سەرەتادا 204 تەرمی سەرنشینانی فڕۆکەکە دۆزرایەوە، 41 کەسی دیکەشیان کە زیندوومابوونەوە و ڕەوانەی نەخۆشخانەکان کران بۆ وەرگرتنی چارەسەر، بەڵام بەهۆی سەختی برینەکانیانەوە 40 کەسیان گیان لەدەستداوە و تەنها یەک کەس لە ژیاندا ماوە.