وەزیری ئەوقاف: لەگەڵ بەرپرسانی سعوودیە لەسەر هێڵین بۆ گەڕاندنەوەی حاجییان بەسەلامەتی

ئاڤا نیوز

وەزیری ئەوقاف و كاروباری ئایینی حكومەتی هەرێمی كوردستان ڕایدەگەیەنێت، بە پەرۆشەوە چاودێری حاجییانی كوردستان دەكەین، لەم دۆخە لەناكاوەی ڕوویداوە و فڕۆكەخانەكانی ناوچەكە داخراون، سەرۆكی حكومەتی هەرێمی كوردستان بەردەوام بەدواداچوون بۆ پڕۆسەی گەڕاندنەوەی حاجییانی كوردستان دەكات و لە خەمی سەلامەتی حاجییاندایە.

لێدوانی فەرمی: د. پشتیوان سادق، وەزیری ئەوقاف و كاروباری ئایینی ڕایگەیاند، لەگەڵ دەستەی باڵای حەجی عێراق و وەزارەتی حەجی سعوودیە، لەسەر هێڵین بۆ گەڕاندنەوەی حاجییان بۆ هەرێمی كوردستان بە سەلامەتی.

"دوای گفتوگۆیەكی بەردەوام و لەپێناو دڵنیابوونەوە لە پاراستنی حاجییانی هەرێمی كوردستان، بڕیارمان دا بە گەڕاندنەوەی سەرجەم حاجییان بەڕێگەی وشكانی، پڕۆسەی گەڕانەوەشیان لە بەرەبەیانی 14ـی حوزەیرانەوە دەستپێدەكات و تاوەكو سەرجەم حاجییان دەگەنەوە كوردستان، بەردەوام دەبێت".