بەهۆی جەنگی ئیسرائیل و ئێران تاقیکردنەوەکان لە زانکۆ و پەیمانگەکانی کوردستان دوادەخرێن و کۆرسەکانی زمانیش دەبنە ئۆنلاین

ئاڤا نیوز

بەهۆی پێشهاتەكانی ناوچەكە و هەڵكشانی گرژییە سەربازییەكان لەنێوان ئێران و ئیسرائیل، لەدوای وەزارەتی پەروەردە، وەزارەتی خوێندنی باڵای هەرێمی کوردستان پرۆسەی خوێندن و سەرجەم تاقیكردنەوەكانی لە سەرجەم ناوەندەکانی خوێندن بۆ ماوەی هەفتەیەک ڕاگرت.

وێنە گەورەكە:  هێرشی فراوانی مووشەكی و ئاسمانیی نێوان ئیسرائیل و ئێران، ئاسایش و سەقامگیری ڕۆژهەڵاتی ناوەڕاستی بەتەواوی شڵەقاندووە، بەهۆیەوە سەرجەم گەشتە ئاسمانییەكان وەستاون، پێشبینی هەڵكشانی گرژییەكانیش دەكرێت و وڵاتان هۆشداری لە فراوانبوونی جەنگەکە دەدەن.

ڕاگەیێنراوی فەرمی: لەسەر فەرمانی  د. ئارام محەممەد قادر وەزیری خوێندنی باڵا و توێژینەوەی زانستی هەرێمی کوردستان، بەهۆی ناجێگیری بارودۆخی ئاسایشی ناوچەکە و هەرێمی کوردستان، بریاردرا بە دواخستنی پرۆسەی خوێندن و تاقیکردنەوەکانی خولی یەکەم دووەم لە سەرجەم زانکۆکان و ناوەندەکانی خوێندنی سەر بە وەزارەتەکەمان و دامودەزگاکانی تر بۆ ماوەی یەک هەفتە.

 

لەلایەکی دیکە:  بەگوتەی  د. ئارام محەممەد قادر، سەرجەم کۆرسەکانى زمانى ئینگلیزى، پێداگۆجى، خول و ڕاهێنانەکانى تایبەت بە وەزارەتی خوێندنی باڵا، بۆ ماوەى یەک هەفتە ئۆنڵاین بەڕێوەدەچن.