ئوردن ئاسمانی وڵاکەی بەڕووی گەشتە ئاسمانییەکاندا کردەوە

ئاڤا نیوز

دەستەی ڕێکخستنی فڕۆکەوانیی شارستانیی ئوردن لە بەیانی ئەمڕۆوە ئاسمانی وڵاتەکەی بەڕووی گەشتی ئاسمانییەکاندا کردەوە.

 

وێنە گەورەکە: بەهۆی هێرشی مووشەکی نێوان ئیسرائیل و ئێران، بەشێکی زۆری وڵاتان گەشتە ئاسمانییەکانیان لەنێوخۆ و بۆ دەرەوە ڕاگرت، ئەمەش وەک ئامادەکارییەک بۆ خۆپارێزی لە هەر مەترسییەک کە لە ئەنجامی گرژییەکانی ناوچەکە سەریهەڵداوە.

 

لێدوانی فەرمی: کاپتن هەیسەم مستو، سەرۆکی ئەنجوومەنی کۆمسیارانی دەستەی ڕێکخستنی فڕۆکەوانیی شارستانیی ئوردن، ڕایگەیاند، ئاسمانی وڵات لە کاتژمێر 7:30ی بەیانییەوە بەڕووی گەشتی ئاسمانیدا کرایەوە.

 

- بڕیارەکە وەک بەشێک لە ڕێوشوێنی خۆپارێزی دێت کە دەستەکە گرتوویەتییەبەر، ئەمەش لە ترسی کاریگەریی ڕووداوەکان لەسەر پڕۆسەی فڕۆکەوانی و گەشتیاران و سەلامەتییان.

 

هۆکارە زانراوەکان: بڕیارەکە لە چوارچێوەی پابەندبوونە بە ڕێککەوتننامە نێودەوڵەتییەکانی تایبەت بە سەلامەتیی فڕۆکەوانیی شارستانی، لەوانەش ڕێککەوتننامەی شیکاگۆی فڕۆکەوانیی شارستانی کە پەیوەستە بە یاساکانی هاتووچۆی ئاسمانی و سەلامەتییەکەی.