ئیسرائیل دەستی بە هێرشکردنە سەر ئێران کردەوە

ئاڤا نیوز

 

تادێت گرژیی و ئاڵۆزییەکانی نێوان ئیسرائیل و ئێران زیاتر دەبێت، لە نوێترین پێشهاتدا ئیسرائیل شەپۆلێکی دیکەی هێرشەکانی بۆ سەر ئێران دەستیپێکردەوە.

 

زانیاریی بەدەستهاتوو: سەرچاوە میدیاییەکانی ئێران دەڵێن، شەپۆلێکی دیکەی هێرشەکانی ئیسرائیل بۆ سەر ناوچەکانی ئێران دەستیپێکردووە، شاری مەراغە لە پارێزگای تەورێز بۆردوومان کراوە، هاوکات دەگوترێت لە چەند شارێکی دیکەی ئێران دەنگی تەقینەوە دەبیسترێت.  

زانیاریی زیاتر: لە ئەنجامی هێرشەکانی ئێستای ئیسرائیل، جێگری پارێزگاری هەمەدان ڕایگەیاند، دوو هاووڵاتی مەدەنی کوژراون و پێنج کەسی دیکەش بریندار بوون.

بۆچوونی بەرامبەر: ئێران هەڕەشە دەکات دەست بە قۆناغێکی نوێی هێرشکردنە سەر ئیسرائیل دەکات و ئەمجارە دوو هەزار مووشەکی ئاراستە دەکات، هۆشداریش بە ئەمریکا و فەرەنسا و بەریتانیا و وڵاتانی ڕۆژئاوا دەدات هەر وڵاتێک بەشداری بکات لە بەرپەرچدانەوەی مووشەکەکانی ، ئەوا سەرجەم بنکەکانی ئەو وڵاتە لە ناوچەکە، لەوانە بنکە سەربازییەکانی لە وڵاتانی کەنداو، هەروەها کەشتی و پاپۆڕە دەریایییەکانیان لە کەنداو و دەریای سوور بۆردوومان دەکات.