ئومێد خۆشناو: جموجۆڵی بازرگانی لە دەروازە سنوورییەکان ئاساییە

ئاڤا نیوز

 

پارێزگاری هەولێر دڵنیایی دەداتە هاووڵاتیان کە خۆراکی پێویست لە کۆگاکاندا هەیە و باسیش لەوە دەکات کە جموجۆڵی بازرگانیش لە خاڵە سنوورییەکان ئاساییە. 

 

چیرۆکی سەرەکی: دوای ‌گرژی و ئاڵۆزییەکانی نێوان ئێران و ئیسرائیل، نرخی زێڕ و نەوت و بەهای دۆلار بەرزبووەوە، هاوکات گەشتە ئاسمانییەکانی عێراقیش وەستێنران، ئەمەش دڵەڕاوکێی لای بەشێک لە هاونیشتمانیان دروستکردبوو.

 

لێدوانی فەرمی: ئومێد خۆشناو، پارێزگاری هەولێر لە کۆنگرەیەکی ڕۆژنامەوانیدا ڕایگەیاند: خۆراکی پێویست بۆ ماوەیەکی دوورمەودا لە کۆگاکاندا هەیە و جموجۆڵی بازرگانیش لە دەروازە سنوورییەکان بەشێوەیەکی ئاسایی بەردەوامە، پێویست ناکات هاووڵاتیان نیگەران بن. 

بەشی ماوەیەکی دوورمەودا خۆراکی پێویست لە کۆگاکان هەیە و جولەی بازرگانی لەدەروازە سنوورییەکان بەشێوەیەکی ئاسایی بەردەوامە ، پێویست ناکات هاونیشتمانیان دڵەڕاوکێیان هەبێت لەم بارودۆخە.

- ڕەنگە ناجێگیری بەهای دۆلار کاریگەرییەکی لەسەر نرخی کاڵاکان دروست بکات، بەڵام لە ڕێگەی لیژنەی تایبەتەوە چاوەدێری دۆخی بازاڕ دەکەین، هەر کەسێک ئەم دۆخە بۆ بەرژەوەندی خۆی قۆرخ بکات ڕێکاری یاسایی بەرامبەر دەگیرێتە بەر. 

بەتەنیشت ئەم بابەتەوە: حكومەتی هەرێمی كوردستان لیژنەیەكی هاوبەش لە فەرمانگەی پەیوەندییەكانی دەرەوە و وەزارەتی ناوخۆ پێكدەهێنێت، بە مەبەستی گەڕاندنەوەی هەموو ئەو هاووڵاتی و لایەنە فەرمییانەی كە بەهۆی گرژییەكانی ناوچەكە لە وڵاتان گیریان خواردووە، لیژنەكە كار بۆ ئەوە دەكات لە نزیكترین كاتدا هاووڵاتیان بگەڕێندرێنەوە هەرێمی كوردستان.