ئـێران و ئیسرائیل: بەشێک لە درۆنەکان لە عێراق ئاڕاستەی ئیسرائیل کراون

ئاڤا نیوز

بەپێی سەرچاوەیەکی هەواڵ لە ئـێران، چەندین فڕۆکەی بێفڕۆکەوان لە نێو خاکی عێراقەوە ئاڕاستەی ئیسرائیل کراون، ڕۆژنامەیەکی ئیسرائیلیش هەواڵەکە پشتڕاست دەکاتەوە .

چیرۆکی سەرەکی:  بەرەبەیانی ڕۆژی هەینی 2025-06-13، ئیسرائیل هێرشێکی بەرفراوانی کردە سەر دامەزراوە ئەتۆمییەکانی ئێران و ماڵی چەندین سەرکردەی سوپای پاسدارانیشی بە ئامانج گرت لەبەرامبەردا ئێران دەیان درۆنی ئاڕاستەی ئیسرائیل کرد، هەردوولاش ئاسمانی عێراقیان بەزاندووە لەو هێرشانەدا.

زانیاریی بەدەستهاتوو: ئاژانسی هەواڵی میهری ئێرانی بڵاویکردەوە: چەندین فڕۆکەی بێفڕۆکەوان لە نێو خاکی عێراقەوە ئاڕاستەی ئیسرائیل کراون و تاوەکو ئێستا هیچ وردەکارییەکی زیاتر سەبارەت بە جۆری درۆنەکان و ئامانجی هەڵدانی ئاشکرا نەکراون .

لەلایەکی دیکەوە: ڕۆژنامەی یەدیعوت ئەحرۆنۆتی ئیسرائیلی لەزاری بەرپرسانی سەربازی ئیسرائیل ئاشکرای کرد، بەشێک لەو درۆنانەی ئاراستەی ئیسرائیل کراون لەعێراقەوە هەڵدراون .