نەتانیاهۆ: بەشێوەیەکی کاریگەر لە بەرنامەی ئەتۆمی ئێرانمان دا

ئاڤا نیوز

پاش دوو ڕۆژ لە جەنگ، سەرۆکوەزیرانی ئیسرائیل دەڵێت، ئامانجەکانمان بەتەواوی پێکاوە و ئەوەی لەم دوو ڕۆژە بینیویتانە هیچ نییە بەراورد بەوەی لە چەند ڕۆژی داهاتوو دەیبینن.

وێنە گەورەکە: لێدوان و کاردانەوەکانی دوای دوو ڕۆژ جەنگی مووشەکی نێوان ئیسرائیل و ئێران لەلایەن بەرپرسانی هەردوو وڵات دەستیپێکرد، هەردوولا لە هەوڵی ڕاگەیاندنی سەرکەوتنی گەورەن بەسەر یەکتر.

لێدوانی فەرمی: بنیامین نەتەنیاهۆ، سەرۆکوەزیرانی ئیسرائیل ڕایگەیاند، بەمنزیکانە فڕۆکەکانی هێزی ئاسمانیمان دەچنە ئاسمانی تاران و ئەوەی کردوومانە هیچ نییە لەوەی لە چەند ڕۆژی داهاتوودا دەیکەین.

بەشێکی دیکە لە قسەکانی نەتەنیاهۆ:

"تیمی زاناکانمان کردە ئامانج کە سەرکردایەتی پڕۆژەی ئەتۆمی دەکەن. ئێمە سەرکەوتنمان بەدەست هێناوە و گورزێکی یەکلاکەرەوەمان لە شوێنی سەرەکی پیتاندنی یۆرانیۆمی ئێران داوە".

"ڕێگەنادەین ئێران ببێتە خاوەنی چەکی ئەتۆم و هەموو شوێنەکانی ڕژێمی ئێران دەکەینە ئامانج".

"ئێران خاوەنی 20 هەزار مووشەکی بالیستییە و ئێمە بەرگەی ئەوە ناگرین، بۆیە ڕێکارەکانمان گرتەبەر بۆ لەناوبردنی توانا مووشەکییەکانی".