پڕۆژەی فریاگوزاریی خێرایی ئاوی هەولێر قۆناغێک لە کۆتایی نزیک دەبێتەوە

ئاڤا نیوز

لە سنووری سێ شارەوانی هەولێر %90 کارەکانی بەستنەوەی تۆری ئاو بە پڕۆژەی فریاگوزاریی خێرایی گەیاندنی ئاو  تەواو بووە، تا پێش کۆتایی ئەمساڵ بەستنەوەی هەموو توڕەکانی ئاوی هەولێر بە پڕۆژەکە تەواو دەبێت.

 

وێنە گەورەکە: سەرۆکوەزیران مەسرور بارزانی، لە ڕێککەوتی 9-8-2024، بەردی بناغەی پڕۆژەی فریاگوزاریی خێرایی ئاوی هەولێری دانا، ئەم پڕۆژەیە بەیەکێک لەپرۆژە سەرەکییەکانی کابینەی نۆیەمی حکومەتی هەرێمی کوردستان دادەندرێت، ئەم پڕۆژەیە کیشەی ئاو لە هەولێر ماوەی 30 ساڵی دیکە لە هەولێر چارەسەر دەکات.

 

لێدوانی فەرمی: ڕابەر حوسێن، بەڕێوەبەری ئاوی هەولێر بە ئاڤای گوت: لە سنووری شارەوانییەکانی چوار، پێنج و شەش  بە ڕێژەی 90٪ کارەکانی بەستنەوەی تۆری ئاو بە پڕۆژەی گەیاندنی خێرای ئاو تەواو بووە، لە شارەوانییەکانی دیکەش پیش کۆتایی ئەمساڵ بەستنەوەی تۆری ئاو بە پڕۆژەکە تەوە دەکرێت.

 

زانیاریی زیاتر: كاركردن لە پڕۆژەی فریاگوزاریی خێرایی گەیاندنی ئاو، بەردەوامە و تا ئێستا زیاتر 78%ـی کارەکانی تەواو بووە، لە مانگی حەوتی ئەمساڵ ئاو لە ڕێگەی ئەم پڕۆژەیە دەگاتە شاری هەولێر.