کۆشکی سپی: ئۆپەراسیۆنەکانی ئیسرائیل بەردەوام دەبن

ئاڤا نیوز

سەرچاوەیەکی کۆشکی سپی ڕایگەیاند، ئیدارەی ترەمپ ئاگاداریی پلانەکانی ئیسرائیلە و هێرشەکانیشی بۆ سەر ئێران چەند هەفتەیەک بەردەوام دەبن.

زانیاریی بەدەستهاتوو: ڕۆژی 15-6-2025، سی ئێن ئێن، لەسەر زاری سەرچاوەیەکی باڵای کۆشکی سپی بڵاویکردووەتەوە، پێشبینی دەکرێت ئۆپەراسیۆنەکانی ئیسرائیل بە ناوی 'هەستانەوەی شێر' چەند هەفتەیەک بەردەوام بن.

ئەوەی لەوبارەیەوە دەگوترێت: ئەو سەرچاوەیە گوتیشی، ئیدارەی دۆناڵد ترەمپ، ئاگاداری پلاکانی ئیسرائیلە و بە ناڕاستەوخۆ پشتگیریی دەکات، ئەمەش لە کاتێکدایە کە دۆناڵد ترەمپ، سەرۆکی ئەمریکا لە پەیامێکدا لە بارەی هێرشەکانی ئیسرائیل بۆ سەر ئێران ڕایگەیاند، ئەمریکا هیچ پەیوەندییەکی بەم هێرشانەوە نییە،

زانیاریی زیاتر: بەپێی لێدوانی  بەرپرسانی ئیدارەی ترەمپ سەڕەرای هێرشەکانی هەردوولا بۆ سەر یەکتری ئیدارەکە  ئێستاش باوەڕی بەوە هەیە کە دەبێت کێشەکانیان لە ڕێگەی دانوستان چارەسەر بکەن.