ژمارەی قوربانییانی هێرشەکەی ئێران بۆ سەر ئیسرائیل لە بەرزبوونەوەدایە

ئاڤا نیوز

لە ئەنجامی هێرشەکانی دوو ڕۆژی ڕابردووی ئێران بۆ سەر ئیسرائیل، 13 کەس کوژراون و نزیکەی 300 دیکەش برینداربوونە.

 

وێنە گەورەکە: جەنگ و هێرشە مووشەکییەکانی نێوان ئێران و ئیسرائیل گەیشتە سێیەم ڕۆژ،  ئیسرائیل ئۆپەراسیۆنەکانی لە ژێر ناوی 'هەستانەوەی شێر' و ئێرانیش ئۆپەراسیۆنەکانی لە ژێر ناوی  'بەڵێنی ڕاستگۆی 3' دەستپێکردووە، تاوەکو ئێستا هیچ لایەنێک نیشانەی وەستاندنی شەڕەکەی نیشان نەداوە. 

زانیاریی بەدەستهاتوو: ڕۆژی 15-6-2025، میدیا ئیسرائیلییەکان بڵاویانکردەوە، لە دوایین هێرشی ئیسرائیل بۆ سەر ناوچە جیاوازەکانی ئیسرائیل، پێنج کەس کوژراون و نزیکەی 100 کەسی دیکەش بریندابوون و برینی ژمارەیەکیان سەختە. 

 

ئەوەی پێویستە بیزانیت: بەهۆی هێرشەکانی ئێران بۆ سەر ئیسرائیل، ژمارەی کوژراوان لە  دوو ڕۆژی ڕابردوودا گەیشتە 13 کەس و زیاتر لە 270 کەسی دیکەش برینداربوون.

 

ئەوەی پێشبینی دەکرێت: بەرپرسانی وڵاتەکە ئاماژەیان بۆ ئەوە کردووە کە لە شوێنی هێرشە مووشەکییەکان، تاوەکو ئێستا زیاتر لە 35 کەس چارەنووسیان دیارە و بەشێک لەوانە لەژێر باڵەخانە ڕووخاوەکاندا ماونەتەوە، بەهۆیەوە پێشبینی دەکرێت ژمارەی مردنی هاووڵاتییە ئیسرائیلییەکان زیاتر بێت. 

 

لەلایەکی دیکەوە: هەر بەهۆی هێرشەکانی ئیسرائیل بۆ سەر ئێران زیاتر لە 22 فەرماندەی سەربازی و نۆ زانای ئەتۆمی ئەو وڵاتە کوژراون.