ڕوونکردنەوەیەک لە دەسەڵاتی فڕۆکەوانییەوە لەبارەی ئەو هاووڵاتیانەی لە تورکیا گیریانخواردووە

ئاڤا نیوز

 

دەسەڵاتی فڕۆکەوانیی عێراق دەڵێت، ئەو هاووڵاتیانەی لە تورکیا گیریانخواردووە باڵیۆزخانەی عێراق لەو وڵاتە هاوکارییان دەکات لە ڕێگەی وشکانییەوە بگەڕێنەوە، عێراقییەکانی وڵاتانی دیکەش دەتوانن لە ڕێگەی فڕۆکەخانەی بەسڕەوە بگەڕێنەوە.

 

وێنە گەورەکە: دەسەڵاتی فڕۆکەوانی عێراق بەهۆی مەترسی لەسەر ڕێرەوی گەشتەکان بەهۆی گرژییە سەربازییەکانی نێوان ئیسرائیل و ئێران، تا کاتێکی نادیار گەشتە ئاسمانییەکانی ڕاگرتووە، ئەم بڕیارە فڕۆکەخانەی بەسڕەی لێ بەدەرکراوە.

 

ڕاگەیێنراوی فەرمی: دەسەڵاتی فڕۆکەوانیی عێراق بڵاویکردەوە، لەسەر داوای باڵیۆزخانەی عێراق لە ئەنقەرە، ئەو هاووڵاتییانەی عێراق کە لە تورکیان لە فڕۆکەخانەی ئیستەنبووڵ ڤیزای گەڕانەوەیان بەڕێگای وشکانی پێدەدرێت.

 

- ئاماژەی بەوەشکردووە، لە بەیانییەوە فڕۆکەخانەی بەسڕە دەکرێتەوە و هێڵە گەشتیارییەکان دەتوانن هاووڵاتییان بۆ ئەو فڕۆکەخانەیە بگوازنەوە، بەڵام فڕۆکەخانەکانی دیکەی وڵات جارێ بە داخراوی دەمێننەوە.