درۆنێک لە ئاسمانی هەولێر تەقێنرایەوە

ئاڤا نیوز

 

چیرۆکی سەرەکی: لەکاتێکدا جەنگی ئیسرائیل و ئێران بەقورسی بەردەوامە، کەمێک پێش ئێستا درۆنێک لە ئاسمانی شاری هەولێر تەقێنرایەوە، هیچ زیانێکی گیانی و ماددیشی لێ نەکەوتووەتەوە.

 

زانیاریی زیاتر، درۆنەکە لەلایەن سیستەمی بەرگریی کونسوڵخانەی ئەمریکا خراوەتە خوارەوە، هیشام سەعید، پەیامنێری ئاڤا کە شوێنی کەوتنەخوارەوەی درۆنەکە ڕایگەیاند: درۆنەکە لە پڕۆژەیەکی نیشتەجێبوونی تەواو نەکراو کەوتووەتە خوارەوە، لە شوێنەکە ئاگرێکی گەورە کەوتووەتەوە، پۆلیس و ئاسایش گەیشتوونەتە شوێنەکە و لێکۆڵینەوە دەکەن،

 

خاڵی ئەرێنی: بارزان قەساب، بەڕێوەبەری ئاسایشی هەولێر دەڵێت: ئاسمانی شاری هەولێر ئارامە و لەژێر هیچ مەترسییەکی هێرشی درۆن یان مووشەکی نییە و تەنانەت هیچ مووشەک و درۆنێک لە ئاسمانی هەولێر نابینرێت.