لە سەیدسادق سێ كەس لەسەر ڕاوكردنی ماسی دەستگیر دەكرێن

ئاڤا نیوز

بەشی پۆلیسی دارستانی سەید سادق ڕاوچییەك لە ساتەوەختی ڕاوكردنی ماسی لە دەریاچەی دەربەندیخان دەستگیر دەكات، شەوی ڕابردووش بەهەمان هۆكار دوو ڕاوچی دیكە دەستگیر كران.

وێنە گەورەكە: ئێستا وەرزی قەدەغەی ڕاوی ماسییە لە تێكڕای ناوچەكانی هەرێمی كوردستان، بەو پێیەی كاتی گەرا دانانە لەپێناو زیادكردنی سامانی ماسی، سەرەڕای ئەوەش كەسانێك بە نایاسایی و دوور لە هەستكردن بە گیانی بەرپرسیاریەتی، سەرپێچی یاسا و ڕێنماییەكان دەكەن و راو دەکەن.

ڕاگەیێنراوی فەرمی: بەڕێوەبەرایەتی پۆلیسی دارستان و ژینگەی پارێزگای سلێمانی، لە دوو ڕاگەیێنراوی جیاوازدا، دەستگیركردنی سێ ڕاوچی لە كەناراوەكانی دەریاچەی دەربەندیخان ڕاگەیاند كە لەكاتی ڕاوی ماسیدا بە بەڵگەوە بینراون.

زانیاریی زیاتر: لەو هەڵمەتانەدا دەست بەسەر بەلەمێك و سێ تۆڕی ماسیگرتن و دەیان ماسیدا گیرا، پەڕاوی لێكۆڵینەوەش بۆ تۆمەتباران كرایەوە و ڕادەستی دادوەری دادگای تایبەتمەند كران بۆ گرتنەبەر ڕێكاری یاسایی.