حیزبی شیوعی کوردستان کۆنگرەی هەشتەمی لەشاری دهۆک دەبەستێت

ئاڤا نیوز

كۆنگرەی هەشتەمی حیزبی شیوعی كوردستان لە شاری دهۆک دەکرێت، ماوەی سێ ڕۆژ بەردەوام دەبێت و کاوە مەحموود، خۆی بۆ پۆستی سکرتێری حیزبەکە کاندید ناکاتەوە.

چیرۆکی سەرەکی: بڕیارە کۆنگرەی هەشتەمی حیزبەکە لە ئێوارەی ڕۆژی چوارشەممە 2025-06-18 لە شاری دهۆک بە بەشداریی نزیکەی 200 ئەندام ببەسترێت، کار لەسەر هەموارکردنەوەی پەیڕەوی ناوخۆ دەکرێت، کۆمیتەی ناوەندی و کۆمیتەی چاودێری ناوەندی هەڵدەبژێردرێت.

لێدوانی فەرمی: سوبحی مەهدی، گوتەبێژی حیزبی شیوعی كوردستان بە ئاڤای گوت، "پێشنیازی 19 ئەندام بۆ کۆمیتەی ناوەندی و 5 بۆ 7 ئەندامی کۆمیتەی چاودێری کراوە، دوای کۆنگرە ئەندامانی کۆمیتەی ناوەندی مەکتەبی سیاسی و سکرتێری حیزب هەڵدەبژێرن."

ئەمەش بزانە: کاوە مەحموود، سکرتێری ئێستای حیزبی شیوعی بۆ ماوەی دوو خول لەپۆستەکەی ماوەتەوە، بەپێی پەیڕەوی ناوخۆ ناتوانێت خۆی بۆ ئەو پۆستە کاندید بکاتەوە و بەگوتەی گوتەبێژی حیزبەکە خۆیشی نیازێکی بۆ خۆکاندیدنکردنەوە نییە.